Հաագայի դատարանը բավարարեց հայերի դեմ ատելություն սերմանելու վերաբերյալ դեսպանության հայցը

10 օգոստոսի, 2023

Օգոստոսի 10-ին Հաագայի շրջանային դատարանում տեղի ունեցավ Նիդերլանդների «Թուրք-ադրբեջանական մշակութային միության» նախագահ Իլհան Աշքընի դեմ 2020թ․ հարուցված գործի դատական նիստը։

Վերջինիս համար հիմք են հանդիսացել ՀՀ դեսպանության և Նիդերլանդներում հայկական կազմակերպությունների ֆեդերացիայի առանձին բողոքները՝ պայմանավորված Ի․ Աշքընի հայատյաց և ատելություն սերմանող հրապարակումներով և ելույթներով։ Նիստին ներկա էր նաև դեսպան Տ.Բալայանը։

Դատարանը Ի․ Աշքընին դատապարտեց 1000 եվրո տուգանքի և 2 ամսվա պայմանական ազատազրկման երկու տարի փորձնական ժամկետով համաձայն Նիդերլանդների Քրեական օրենսգրքի 137c և 137d հոդվածների` հայերի նկատմամբ հրապարակային վիրավորանքի և բռնություն հրահարելու մեղադրանքով։

Դատավորը հայտարարեց, որ հետագա իրավախախտման դեպքում, ընդհանուր առմամբ, ազատազրկման պատիժն այլևս պայմանական չի լինելու։

Ի․ Աշքընի դեմ դատավճռի մասին առավելմանրամասն տեղեկատվությունը հասանելի է Նիդերլանդներում հայկական կազմակերպությունների ֆեդերացիայի կայքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր